意粉屋 (已結業)

屯市新餐廳愈開愈多, 今日都係第一次去番裝修後的意粉屋, 朋友推介佢既下午茶好味過之前, 而且星期一至日都有~ 一於帶埋媽媽泥試下先。未食lunch, 要個飽D既薄牛扒特式飯 + 酥皮龍蝦湯, 甜品怪媽媽就要左甜品三重拼盤酥皮龍蝦湯好好飲! 濃郁既湯加埋焗得剛好的酥皮~ 好滿足估唔到tea set個飯都幾多... 雖然好餓但都食唔哂, 牛扒好o林~ 仲有少少什菌, 配埋個汁又幾好味! 不過D飯就硬左D..媽媽點的甜品set, cheesecake保持一貫水準~ 可惜個朱古力溶岩蛋糕太甜喇.. 配埋個雪糕食就好D餐飲的熱咖啡好香濃, 大愛即磨咖啡~ 值得一讚呢度俾既咖啡奶係熱奶, 純粹個人喜好~裝修後的意粉屋環境好似寬敞左, 午後泥食野仲有絲絲陽光~ 而且佢位置比較僻.. 商場既一角, 所以都唔洗點等位。侍應們的服務態度都好好, tea time又多個好去處 good!