海灣茶居 (已結業)

今日行咗去大角咀，穿過公園對面行多兩步就係呢間點心喇！黑金流沙包 $38 (3件)咬開個包，入邊嘅餡料就不停咁流出嚟，因為嗰包係即叫即蒸嘅，所以好熱。大家嗌嘅時候記得攤一陣先好食黑松露燒賣 $40 (4粒)燒賣上到枱面松露味雖然唔係好濃，不過勝在啲蝦夠爽，而且皮夠薄。老乾媽金錢肚 $42金錢肚好入味，食到停唔到口，如果大碟啲咁就好啦！魚翅灌湯餃 $66灌湯餃嘅皮好薄，配啲湯真係一流。入面嘅餡料都幾多，一隻灌湯餃等於2至三隻燒賣咁大。