南小館 (已結業)

大餐廳嘅食物質素比較穩定 味道水準都可以入邊環境都唔會好嘈 比起酒樓茶餐廳 落嚟傾計食下嘢幾好 下午茶搵啲嘢食下 叫咗個小籠包 酸辣土豆絲 同年糕 主要都係想休息傾下計 冇叫太多 兩個人食份量都可以 小籠包的味道都唔錯 但個酸辣土豆絲就麻麻 我覺得唔夠爽口 感覺自己煮嘅更好食 至於年糕 我就覺得啱啱好 好煙韌 唔會太淋或者太硬 下午茶時間比較少人嚟 想坐得比較舒服啲 最好呢個時間嚟好多位置都可以選擇 我就鍾意坐玻璃窗口位而家冬天有啲陽光照入嚟啱啱好 感覺休閑舒服