太平飯店 (已結業)

今次途經北角誤打誤撞來到呢間餐廳，諗住求其食啲嘢。見到佢個常餐平平哋四十零蚊就食咗呢個餐呀。.🍝薑蔥瑞士雞翼撈丁 配 火腿奄列 $48.常餐嚟講，火腿奄列入面通常都係啲好細條，一絲絲嘅火腿，你又估唔到呢間餐廳奄列入面嘅火腿係一片片， 雖然唔係話好大片，但起碼食落有感覺唔會食完唔知食咗啲乜嘢落肚咁。而牛油方包係一塊厚多士，感覺更抵食。 至於重頭戲嘅瑞士雞翼撈丁都俾到驚喜我。公仔麵唔會煮得太淋配上甜甜地嘅瑞士汁撈埋一齊食，簡直正到痺。而且雞翼 都煮得幾入味，不過如果佢可以滷得再入味啲就更加好。.最後再飲埋佢杯紅豆冰🍧，特別係佢係上面加埋cream，飲上去就更滑更creamy！.如果喺北角度返工或者住，平時落嚟食個tea都係一個唔錯嘅選擇。