點心到 MIX·大排檔

營業中

休息中

旺角街頭茶餐廳雖多，但我對呢間「點心到MIX•大排檔」卻情有獨鍾，佢交通方便又環境新淨，座位好坐且空間感大，仲有好多卡位，坐得舒服。下午就嘆現做點心，夜晚就食撚手小菜，款式繁多，不乏肉類海鮮同蔬菜。天氣乾燥，點個杏汁白肺湯飲吓，濃郁嘅湯汁十分滋潤，杏汁金腿味突出，湯底仲有好多瘦肉。涼瓜炒牛肉，夠晒鑊氣，牛肉嫩滑，涼瓜入味回甘，送飯一流！清蒸海斑，一條138蚊/斤，魚肉質素不俗，火候正好，魚肉扎實又嫩滑，淋上豉油非常惹味。