譚仔三哥米線 (富盛大廈)

營業中

休息中

一個平日既下午一點半，呢間三哥廿幾張枱坐滿左考完試既中學生。搵餐晏仔入黎為左食個快飯，唔洗點諗就叫左一碗雞肉米線麻辣五小辣，加杯凍檸茶，例牌要小甜。無耐先到既係餐飲，都跟左五六塊檸檬架，比普通茶記既多，可能係要加7蚊咁多既關係啦。茶味正常，唔會太苦澀，飲落爽口，飲左幾啖會麵就上到。一如既往，沾住麻辣紅油既湯底上面鋪住滿滿既雞肉，麻香氣撲鼻引發食慾，黎三哥就係為左食呢種帶咸香既麻辣味。麵既份量相當充足，胃口唔大既人都好應該叫少米，唔會浪費之餘仲可以平一蚊添。一片雞肉，一口米線，一啖檸茶，四十蚊有找就輕鬆填飽肚，一陣陣酥麻既感覺為平庸既生活帶黎一點刺激，簡簡單單就一餐。