莆田 (已結業)

枉稱米芝蓮，年初四不單唔做下午茶市，上座後茶水前菜冇人遞，菜未上齊唔跟不單止，仲催客埋單，基本嘢都未做好，上下一心hea做，個個執枱仲念念有詞，喺銅鑼灣，鑽石山同荃灣分店都未試過咁。紅糟雞三催四請下上菜燶底，包菜飯零零落落仲有鹽未溶晒，侍應上菜毫無禮貌，大力放餐具，催菜你推我讓，個個掛住落場寧願啲客即走，甚至問完啲客幾位先講下午Las order已完，咁問嚟做咩呢？雖然馬鞍山係美食沙漠，但如果呢班員工態度不變，一定做爛莆田嘅招牌。