剛到達的時候，我踏上門前一級樓梯，然後企響趟門外面，等人安排座位。正常黎講，舖頭嘅人會即刻岀黎問幾位，但個老闆娘從舖頭入面隔住度門望岀黎，黑唒面，同我四目交投之後，當我無到，擰轉面。我有d 奇怪，距當時唔係忙緊，無做緊野。甘算啦，我自己趟門入去攞位。當時點幾左右，門外得我一個，而入面有幾張吉臺。
我入去坐響最角落頭 靠牆位置 當然係問左果個女人先啦。然後我望下餐牌，好快就決定左要鹽蘇雞排飯。呢個價錢唔包野飲，我都算，因為價錢尚算合理，只係同區台灣野一般都有跟餐台式飲品。一場黎到，就俾$10試試杯珍珠奶茶。落單果時，我要求去冰，距聽唔到，我以為距唔識聽廣東話，所以我用國語講一次，點知果老闆娘用非常唔禮貌嘅語氣講: 走冰啊嘛？！ok，係我呢個做客嘅多餘，講乜鬼國語。人地廣東話不知幾好。我唯有以'你廣東話甘好嘅’打圓場，個女人當然係依舊黑面。
等左好耐，先出到杯珍珠奶茶。茶味唔夠濃，奶味唔夠香。天仁茗茶好距一倍。
前後等20分鐘 個飯先黎
隔離台嘅食物都係上得咁慢 上完一碟 差不多食完先上下一碟 台灣野食到好像食法國菜甘 都係第一次！
個飯係唔熱嘅！ 只係暖
我冇諗過等甘耐嘅食物 可以整成咁
個飯好普通 完全無驚喜
最后，亦都係我覺得最離譜嘅
我食完埋單走個時
個老闆娘竟然企響我隔離 大大声用國語同個老闆講' 你快點安排他們進來 好久！’
哈 你上菜慢到一個點 唔檢討下 話我食得慢 阻你做生意？
我無玩電話 無拖慢黎食
重點係 出面唔係距講嘅 有人等緊！
我未試過食餐飯 去幫襯 會有人俾說話我聽
呢間嘢學到香港餐廳果種限時限刻交檯 想做多幾轉生意嘅心態 但學唔到香港餐廳嘅效率
如果想賺多d 唔該train 下個廚房 改下d 惡劣態度先！
此等不檢討自身 反怪責顧客之劣店
如果你想貼錢買難受 即管去吧
