富雅海鮮酒家

大約十二點半到鋪頭，入座之後叫咗兩次先嚟幫我哋落單。一點十分問點解仲未上菜，侍應就話廚師喺度食緊飯，等佢食完先煮。呢個時候已經覺得好誇張啦，兩個細路仔等到肚餓，再過十分鐘去催，過咗十分鐘先上咗三個餸，呢個時候已經等咗成個鐘，之後又等咗十分鐘先上埋其他兩個餸。

蝦同埋瀨尿蝦都唔新鮮，瀨尿蝦仲有兩隻差到唔敢食，佢哋後尾補返幾隻俾我哋，但都係有啲好唔新鮮！

諗住行到最後嗰幾間平啲，反正都係食海鮮，點知質素咁差，服務又差，搞到好似欠咗廚師同侍應錢咁。

唔會再去啦。