青悅 (已結業)

晚飯時間位於青衣城嘅呢一間越南菜竟然唔洗等位，二話不說即刻入去食晚餐。叫咗菠蘿炒飯同火車頭，餐廳分拆左好多張二人台出嚟，上菜亂晒，要客人講返嗰碟餸係佢😅又有侍應火速將碟野擺落檯，客人嗌住佢，但已經走咗😂要客人畀返另一個客人🙄火車頭味道一般，普普通通。菠蘿炒飯整得唔錯，好有菠蘿味，但落左少少香料，味道比較特別，同食開嘅唔同。重點都係要講返個甜品🤭芒果糯米飯賣相係冇乜特別，食落先知伏。糯米飯無味，椰汁好淡，芒果肉竟然有薄荷葉加青檸嘅味道，食落真係好奇怪，好似將個芒果浸左落去一杯青檸水再拎返出嚟上碟咁。