河鮮烤魚 (已結業)

之前同朋友嚟食過串燒覺得唔錯，今日咁啱又經附近就嚟試下烤魚佢呢到除左酸菜魚，香辣烤魚，仲有一款出面比較少有嘅醬香野菌烤魚。我其實想試下新口味，不過朋友情迷酸菜魚，唯有就下佢。佢呢到可以揀鱸魚同江圍魚，我地試下江圍魚。除咗魚我哋等緊之前就叫咗一個芥末脆魚皮，都係朋友話揀，我第一次食，估唔到咁好味，口感好特別，好似海蜇咁，但又無咁厚，薄身得嚟又有咬口，加埋淡淡芥末味，完全食唔出係魚皮，好醒神同清新，加埋青瓜一齊食非常爽口，絕對推介。本身個酸菜魚已經好多材料，我地點左午餐肉加落酸菜魚，純粹個人好鐘意食。 酸菜魚一送上都非常吸睛，滿滿嘅芫荽蔥，個底有豆卜，蓮藕，枝竹，白蘿蔔，全部吸收晒湯汁，入晒味又夠淋，好好食！ 而江圍魚，好大條魚，份量十足，肉質較實在，個人覺得較鱸魚可以吸收到汁，連埋酸菜一齊食，唔會太咸，啱啱好，好味道。最連我地滿意同有驚喜係嘅飲品，點左杯檸檬百香果同火龍果多多，通常食酸菜魚都係得王老吉或者其他涼茶啤酒系列，呢兩杯特飲，實在太好味，真材實料，粒粒嘅百香果籽，配搭檸檬汁好開胃，火龍果多多用紅火龍果，加埋益力多，甜得嚟又好香。