Bluebird Coffee (上環) (已結業)

呢度喺新開無耐嘅人氣cafe blue bird，佢位處於上環信德中心附近，都好容易搵，而佢坐擁兩層，環境寬敞，坐位舒適，可以慢慢hea下傾下計嘅好地方。呢次我哋叫左一客朱古力心太軟配雪糕，朱古力酥，藍莓乳酪，飲品方面點左抹茶拉鐵，午夜。朱古力心太軟配雪糕：佢哋仲會配埋招牌嘅特濃咖啡，黑松露朱古力，焗杏仁片，有濃郁嘅咖啡加埋雲呢拿嘅雪糕，仲有杏仁片增加香脆口感，而心太軟蛋糕嘅朱古力配合埋黑松露朱古力，令到味道口感都變得豐富，朱古力酥：外皮非常酥脆，入面滿滿嘅朱古力。藍莓乳酪：低卡低脂，甜度適中，健康之選。鮮奶抹茶：抹茶茶味濃郁，奶夠香滑，唔會太甜。午夜：其實佢喺一杯碟豆花湯力特濃咖啡，味道都幾特別，而佢嘅顏色亮麗，有漸層效果，用嚟影相打卡一流。