Sofi PASTA Co.

營業中

休息中

前排成日喺社交媒體網站見到啲foodies推薦呢一間餐廳，見啲賣相又好似幾靚咁，於是就搵日晏晝過嚟食吓，點知食完真係勁失望囉。 整體嚟講食物嘅賣相係幾好嘅，但係食物質素真係麻麻地，真心誠意唔明點解會有咁多人推介。1.麻辣虎蝦飲管粉 $128 大蝦新鮮口感爽彈，亦都有鮮味。意粉調味大部份都係麻辣嘅味道，唔係好食到奶油喺邊。飲管粉就冇咩特別，口感都係偏硬身。意粉整體味道冇咩驚喜，似喺屋企都整到嘅味。2. 經典卡邦尼煙腩肉麻花卷粉 $138呢個應該係最多人叫同埋最出名嗰個款式，但係真係好失望。食落去完全冇卡邦尼嘅味道，淨係得芝士味，勁鹹，食咗一半已經要狂飲水。另外個意粉亦都唔煙韌，淨係得個硬字，不過個煙腩肉真係幾好食嘅，有焦香味，不過都係鹹到要洗腎。3. 烏龍奶蓋巴斯克蛋糕 $68呢個蛋糕係成餐飯最好食嘅嘢，茶味好濃，奶蓋有鹹香而唔會好膩。不過以$68呢個價錢嗰個份量真係唔算太多，厚度大概只有2cm，唔使2分鐘已經食晒。