Cafe裝潢好舒服，有一種假日悠閒既感覺，主打澳洲菜，食物種類健康多選擇，店員好細心有禮❤️
手撕豬肉水波蛋窩夫 $108
手撕豬肉份量好多，肉質軟稔，調味惹味帶微辣，Egg benedict好流心，窩夫外脆內軟，仲有烘過嘅羽衣甘蘭，口感脆卜卜，整體味道好豐富。
蟹肉卡邦尼扁意粉 $108
扁意粉都充滿左蟹肉絲，巴馬臣芝士同蛋味十分香濃，不加淡忌廉同樣幼滑，而且加了左煙肉入饌，鹹香味重，扁意粉軟硬度適中，加埋溫泉蛋令醬汁更香濃。
椰子雪糕與窩夫 $65
雪糕椰子味好濃，有士多啤梨同藍莓做點綴，外脆內軟既窩夫配埋朱古力醬一齊食，非常滿足。
荔枝冰紅茶 $36
荔枝果香味濃郁，紅茶味道醇厚，仲有幾粒荔枝肉🤗
