味道

營業中

休息中

今日去上環做野，咁岩屋企人過嚟搵我食晏，突然之間好想食啲酸酸辣辣嘅嘢，諗起泰國菜，搵到呢間係巷仔裏面既泰國餐廳。我哋叫左佢兩個人氣菜式，一個係蔥油豬扒蛋飯配泰式奶茶同埋冬陰功湯河配炸雞髀加青檸梳打🩷🩷🩷🩷🩷豬扒切得岩岩好，好方便我地夾黎食，同埋又唔會乾柴，而且又有肉汁之餘，個太陽蛋好夠流心送飯一流。同埋佢有甜豉油點埋啲豬扒一齊食，不過我覺得唔使加都夠味。同埋啲蔥油都好香。冬陰功湯河好滑個河粉索曬啲湯汁，同埋個湯都好夠味。仲配左隻巨型雞髀又多汁又夠味，好夠飽。杯泰式奶茶都好夠濃，但又唔會太甜岩岩好。青檸梳打好夠氣，夏天飲一流👍🏻仲叫多個泰式炭燒豬肉串🩷🩷🩷🩷🩷好香炭燒味，而且個豬肉係醃過，食落甜甜地，加埋啲沙嗲醬好惹味。