影片
更多
2023-08-13
11 瀏覽
今日同朋友黎到上環呢間日式居酒屋食晚餐，餐廳位置好方便，好近地鐵站。 餐廳共有上下兩層，裝修都充滿日式元素。Menu圖文並茂，食物選擇種類都幾多，廚師推薦嘅食物款式就會有圖片參考，所以我哋揀嘅全部都係廚師推薦嘅。明太子玉子燒（$88） 一共有六件，玉子燒非常滑溜，明太子份量好足夠，明太子味道濃郁，調味剛剛好，成個口感好軟滑，唔會太稀薄亦都唔會太實。 牛油果薯仔沙律（$68）有別於其他餐廳嘅沙律，佢並冇落酸甜嘅沙律醬，反而成個沙律食落味道好清雅，配上牛油果、薯仔、青瓜及蕃茄仔，成個沙律好健康，味道清而不寡。 芝士流心蛋大啡菇（$78）大啡菇肥厚多汁，芝士味濃郁惹味，切開大啡菇嘅時候瞬間爆漿，蛋漿一湧而出，視覺味覺同樣滿足。黑松露三文魚炒飯（$88）炒飯用料充足，黑松露香味充斥每一啖飯，初時食落覺得炒飯味道略嫌晤夠味，但當咬開粒粒魚籽後，魚籽既咸鮮味正好為炒飯提味。名古屋錦爽鷄串拼盤（$198）共有六串不同的雞串燒，擺盤頗為吸睛。雞髀肉鮮嫩，雞腎及雞軟骨爽脆，但雞肝較苦。配有青檸及檸檬，任君選擇，鹽味調味恰到好處。但整體而言我覺得呢個性價比一般。串燒飯團（醬油味）（$35）醬油味調味剛好
Menu圖文並茂，食物選擇種類都幾多，廚師推薦嘅食物款式就會有圖片參考，所以我哋揀嘅全部都係廚師推薦嘅。
明太子玉子燒（$88）
一共有六件，玉子燒非常滑溜，明太子份量好足夠，明太子味道濃郁，調味剛剛好，成個口感好軟滑，唔會太稀薄亦都唔會太實。
牛油果薯仔沙律（$68）
有別於其他餐廳嘅沙律，佢並冇落酸甜嘅沙律醬，反而成個沙律食落味道好清雅，配上牛油果、薯仔、青瓜及蕃茄仔，成個沙律好健康，味道清而不寡。
芝士流心蛋大啡菇（$78）
大啡菇肥厚多汁，芝士味濃郁惹味，切開大啡菇嘅時候瞬間爆漿，蛋漿一湧而出，視覺味覺同樣滿足。
黑松露三文魚炒飯（$88）
炒飯用料充足，黑松露香味充斥每一啖飯，初時食落覺得炒飯味道略嫌晤夠味，但當咬開粒粒魚籽後，魚籽既咸鮮味正好為炒飯提味。
名古屋錦爽鷄串拼盤（$198）
共有六串不同的雞串燒，擺盤頗為吸睛。雞髀肉鮮嫩，雞腎及雞軟骨爽脆，但雞肝較苦。配有青檸及檸檬，任君選擇，鹽味調味恰到好處。但整體而言我覺得呢個性價比一般。
串燒飯團（醬油味）（$35）
醬油味調味剛好，飯團外層燒到焦脆，飯焦令口感加分，裡面既櫻花蝦亦令味道加分，如果紫菜脆啲會更好。
張貼
