影片
更多
2018-08-04
1212 瀏覽
陪友人行完大館，打算過去上環搵食。記得皇后大道西聯發商業中心有間一人火鍋專門店，之前曾幫襯過，想帶朋友去試下，點知原來已經轉咗手，換了另一間叫「老爹 Daddy’s Kitchen」嘅西餐廳，反正沒吃過，一於上去試下。其實之前在中環上班時，經常會和同事來這個商場飲茶食晏，所以對周圍的環境，絕不陌生。餐廳藏身於 1 樓 A 區，店內地方頗大，牆身用上紅磚砌成，座位非常闊落，就算人多來亦絕對唔會感覺迫狹。翻開店員遞上的餐牌，食物非常之多元化，除了有頭盤/沙律/小食同 9 款廚師推介嘅套餐外，另外仲有意粉/意大利飯、拉麵/烏冬套餐、米飯、精選全日套餐同一系列特飲，選擇甚為豐富。先揀幾款小食做頭盤，選了日式煎餃子 ($32)、瑞士雞翼同香蒜炒雜菌雜菜。餃子外皮唔算好薄，不過外形非常飽滿，而且煎得夠曬香脆，餡料入面嘅豬肉肉味濃郁，蘸點醋汁吃，甘香惹味。瑞士雞翼 ($38)，雞翼一客有 4 隻，size 屬中等，唔算特大，不過就浸得非常入味，最正當然是面層香甜滑溜的雞皮，雖然脂肪多，但膠質也多，加上入面的雞肉，肉質非常嫩滑，軟而不爛，大人細路都啱食。香蒜炒雜菌雜菜 ($58) 雜菌雜菜材料非常豐
陪友人行完大館，打算過去上環搵食。記得皇后大道西聯發商業中心有間一人火鍋專門店，之前曾幫襯過，想帶朋友去試下，點知原來已經轉咗手，換了另一間叫「老爹 Daddy’s Kitchen」嘅西餐廳，反正沒吃過，一於上去試下。
其實之前在中環上班時，經常會和同事來這個商場飲茶食晏，所以對周圍的環境，絕不陌生。餐廳藏身於 1 樓 A 區，店內地方頗大，牆身用上紅磚砌成，座位非常闊落，就算人多來亦絕對唔會感覺迫狹。
翻開店員遞上的餐牌，食物非常之多元化，除了有頭盤/沙律/小食同 9 款廚師推介嘅套餐外，另外仲有意粉/意大利飯、拉麵/烏冬套餐、米飯、精選全日套餐同一系列特飲，選擇甚為豐富。
先揀幾款小食做頭盤，選了日式煎餃子 ($32)、瑞士雞翼同香蒜炒雜菌雜菜。餃子外皮唔算好薄，不過外形非常飽滿，而且煎得夠曬香脆，餡料入面嘅豬肉肉味濃郁，蘸點醋汁吃，甘香惹味。
瑞士雞翼 ($38)，雞翼一客有 4 隻，size 屬中等，唔算特大，不過就浸得非常入味，最正當然是面層香甜滑溜的雞皮，雖然脂肪多，但膠質也多，加上入面的雞肉，肉質非常嫩滑，軟而不爛，大人細路都啱食。香蒜炒雜菌雜菜 ($58) 雜菌雜菜材料非常豐富，有西蘭花、椰菜、青瓜同菇菌等，用蒜蓉炒至軟身，大大碟，上桌時香氣撲鼻，令人食指大動。
主菜方面，揀了廚師推介嘅香煎三文魚拼大蝦同歐陸式什扒，套餐配有餐湯、餐包同飲品一杯。餐湯揀咗羅宋湯，湯色艷麗，不稠不稀，味道恰如其分，唔太酸，啱我口味。蒜蓉包以籃子盛上，入口外脆內軟，帶牛油香氣，食味亦不俗。
香煎三文魚拼大蝦 ($148)，套餐可以揀配飯、意粉或薯菜。面頭的大蝦頗為煞死，雖然唔算話係好大隻，但肉質爽脆鮮甜，蝦味夠濃又夠彈牙！底下的三文魚扒亦絕不欺場，煎得夠滑身之餘仲保留到三文魚嘅鮮味，加上入口啖啖肉，真係唔錯！伴吃的白汁亦做得很有誠意，入面有唔少菇菌，用料豐富，加上汁料經過精心調配，顯得非常濃滑，用來拌飯吃，令人胃口大開。
之後是一客歐陸式什扒 ($158)，套餐同樣可以揀配飯、意粉或薯菜。什扒非常之大堆頭，材料包括有肉眼扒、雞扒、豬扒同司華力腸，再加埋薯角，分量十足。肉眼扒肉味幾濃，油份不多，肉汁豐富，肉質帶嚼勁。雞扒厚肉多汁，而且醃得夠入味。豬扒唔算好厚身，但肉質非常鬆軟，入口唔會又乾又嚡。司華力腸食落雖無炭燒嘅香味，但勝在火候夠均勻，不過聽講一條司華力腸的卡路里，相等於 3 條香腸，所以還是淺嚐即止。
飲品可以揀配珍珠奶茶、柑桔檸檬、蜂蜜綠茶、檸檬茶又或者咖啡，如果想轉其它特飲，就要另 +$5。呢兩杯係柑桔檸檬同蜂蜜綠茶，味道唔錯，甜甜酸酸，而且入口非常冰凍，用來消暑一流。臨走前特意看了餐廳的午市餐牌，價錢真係幾經濟，幾廿蚊已經有交易，推介附近上班族嚟一試。
張貼
