影片
更多
2023-12-17
33 瀏覽
上網見到有平價串燒食，就帶b🐷過嚟試吓，上環站行去九如坊大概10分鐘，就搵到間門面有塊好型既霓虹燈就係陀地燒啦🍢，我哋6:00去到Walk in入去，佢哋已經話七點後已經full Booking，七點前交枱就比枱我哋，我哋二話不說即刻入去坐啦，跟住就嗌咗一枱食物😋😋，好彩我哋算好早到，我見之後入嚟嗰啲客人都要摸門釘，因為full Booking所以唔接待佢哋🫢🫢。串燒 4/5雞皮、雞軟骨幾香口，如果在燒得燶啲有更加好。雞肉🐓、牛舌好大件，都燒得好嫩滑，但唔夠香口。豬頸肉🐖配泰式酸辣醬好好味。薯仔冬菇茄子🍆加孜然粉炸蒜菜甫幾惹味。虎蝦🦐燒得夠乾身夠香。黑松露醬有皮薯條🍟價錢親民。燒雞翼係雞中翼，1串2隻，有土匪雞翼嘅味道。生啤🍻買一送一就一定要飲。地點:上環站行上幾段斜路，路比較窄身，小心車輛。環境:有feel，五光十色既霓虹燈同埋光管，木系嘅裝修再加埋唔同嘅酒樽裝飾。加埋氛圍之下，油麻就食吓串燒同friend傾偈一流👍🏻👍🏻🍻。價錢:平均$8-$12一串真係親民，虎蝦就要$28，我哋食咗28串2個小食2杯啤酒埋單$440連加一。如果唔係食得咁趕都食得比較輕鬆同自在，下次嚟一定要book
串燒 4/5
雞皮、雞軟骨幾香口，如果在燒得燶啲有更加好。雞肉🐓、牛舌好大件，都燒得好嫩滑，但唔夠香口。豬頸肉🐖配泰式酸辣醬好好味。薯仔冬菇茄子🍆加孜然粉炸蒜菜甫幾惹味。虎蝦🦐燒得夠乾身夠香。黑松露醬有皮薯條🍟價錢親民。燒雞翼係雞中翼，1串2隻，有土匪雞翼嘅味道。生啤🍻買一送一就一定要飲。
地點:
上環站行上幾段斜路，路比較窄身，小心車輛。
環境:
有feel，五光十色既霓虹燈同埋光管，木系嘅裝修再加埋唔同嘅酒樽裝飾。加埋氛圍之下，油麻就食吓串燒同friend傾偈一流👍🏻👍🏻🍻。
價錢:
平均$8-$12一串真係親民，虎蝦就要$28，我哋食咗28串2個小食2杯啤酒埋單$440連加一。如果唔係食得咁趕都食得比較輕鬆同自在，下次嚟一定要book位可以慢慢食🍽️👨👨👦👦。
服務:
生意好好，唔小心將我哋嘅串燒擺另外一張枱唔記得俾我哋，去到後期反而係我哋催佢哋快啲俾嘢食我哋，因為我哋差唔多要七點交枱。
張貼
