譽滿點心匯館 (已結業)

公司附近間點心店，想食好耐，今日終於約埋D同事一齊去食。食落味道唔錯，地方乾凈闊落。非常推介燒賣，紫薯鹹水角。食左蝦腸皮薄餡靚，好食。呢到最特別係花茶，$6茶位 竟然唔係茶膽，係一包包好精緻嘅花茶茶包，我揀左桂花烏龍，好好飲。除左好食之外，我諗杯茶最可以令我再去食。食完飯梗係食返個甜品，叫左推介嘅紅棗糕，真係我食過最好味嘅紅棗糕，味道超濃又煙韌，但唔係好甜，正呀!!!! 臨走我問個收銀哥哥D茶有冇得賣，佢好有禮貌咁話無，唯有去多幾次啦。