NACASA Café & Bar (已結業)

咖啡店走摩洛哥風，有兩層，裝修方面花盡心思，傢俱和裝飾都充滿異國風情，牆上掛上拼色瓷碟及掛布；天花板掛滿色彩繽紛的吊燈。放滿盆栽藍色梯級門口位是咖啡店打卡位，要坐依個人氣打卡位記得要預約，不過建議有日光的時間到訪，我地當日夜晚去，燈光比較昏暗🌒。食物選擇都頗多，輕食有小食、甜品、酸種麵包，而主食有意粉、飯、漢堡等可選擇，亦有酒精飲品和水煙供應。🍽️ 白酒蜆肉意粉意粉都幾大碟，不過意粉偏乾身，味道偏淡，食唔出有白酒味，但都有蒜蓉味，蜆肉都唔少。🍽️ 莎樂美香腸薄餅薄款餅底塗上蕃茄醬，再加上水牛芝士和莎樂美香腸，餅底都有少少脆，亦有咸香味。Banana Pound Cake蛋糕質感比較扎實，偏乾身和脆身，裏面有核桃，都幾有口感，香蕉味則唔重。整體上，食物一般，環境滿分，晚上客人不多，門口位好有私人空間，可以同閨密瘋狂打卡和靜靜談心。