1
假日又係搵Cafe chill吓嘅好機會，呢日嚟咗上環，見到呢間Cafe個感覺幾正，有室內同戶外嘅位置，仲有好多款食物選擇🤗
招牌慢煮鴨髀配法國紅酒汁
冇諗過Cafe都食到咁出色嘅鴨髀💛 一上檯已經好香，鴨髀煎到金黃，外皮好酥脆，鴨肉唔會羶🦆 旁邊仲有薯條同沙律做伴碟，真係夠晒豐富 。
1
法式粒粒蝦肉龍蝦湯配酸種包
呢個龍蝦湯幾香濃，入面仲有好多蝦肉，真係好足料🍤 配埋酸種包食就更加美味啦 。
香甜番薯條
本身以為呢個只係小食，冇諗過佢嘅份量有咁多😮 番薯條每條都好長，食落有微微甜味🍠 點蛋黃醬定茄汁都非常夾 。
自家製士多啤梨窩夫配士多啤梨雪糕
大力推介呢個窩夫俾大家☺️ 就咁睇擺盤都知餐廳用心製作，窩夫蛋味香濃，加埋士多啤梨雪糕一齊食就啱晒啦🍓 側邊仲有新鮮嘅士多啤梨同埋藍莓，一份夠同朋友一齊分享呀🫐
情人節限定飲品
♦️白朱古力咖啡
呢杯係沙冰嚟嘅，即使係白朱古力，但係咖啡都唔會太甜🍫 個vibe同情人節好夾
♦️櫻花士多啤梨Latte
呢杯咖啡齋望個樣就已經見到個意境，有靚靚嘅櫻花樹圖案🌸 飲落就係士多啤梨奶嘅味道，令我少女心大爆發啊😂
呢日到訪除咗見到有本地人嚟幫襯之外，都有唔少外國人，呢餐好感受到外國嗰種悠閑生活，心情都放鬆咗唔少啊😎
1
2
2
4
2
