上海弄堂菜肉餛飩 (已結業)

一個好耐冇見嘅朋友約我食lunch，但無奈我今日比較晏嘅時間先可以，朋友都願意等我，決定帶佢去食佢鍾意嘅上海菜，最後選擇左呢間我自己好喜愛嘅一間上海菜餐廳入到去朋友已經話裝修得好靚，聽到朋友呢句都放心啲呢間餐廳係出名食餛飩，朋友選擇左西洋菜做餡料，每一粒都脹卜卜，而且個皮係好滑好好味，雖然湯底比較清，但其實更能夠食到餛飩嘅鮮味另外我選擇咗我自己必叫嘅擔擔麵，湯底好香濃而且好香花生味，麵條做得軟硬適中，保持水準醉雞係我建議朋友一定要叫嘅，因為我覺得呢度嘅醉雞做得好出色，酒味比出邊香濃但唔會有苦味呢度嘅酸辣湯材料好豐富，而且唔會偏酸最後一個必食嘅項目就係炸銀絲卷，佢同出邊嘅唔同係可能佢個油好滾，結果銀絲卷做得外面十分香脆，但入面仲係保持好軟熟，一定要留肚食