上海弄堂菜肉餛飩 (歌賦街) (已搬遷) 新店位置

今晚約了大小朋友去大會堂睇音樂劇，八點先開場，所以預先約定家人同小朋友到中環上海弄堂餛飩食上海菜。雖然今日落雨，但六點鐘多d已差唔多有六成入坐率。全日供應嘅套餐相當抵食，已經包左小食、主菜及飯麵。我哋總共叫咗三個晚餐。小食我哋要咗：鎮江肴肉、酸辣湯、上海春卷。酸辣湯真係好好飲，夠辣夠正宗！主菜我哋要咗糖醋魚柳、陳年花雕醉雞、菜膽獅子球。糖醋魚柳係最受小朋友歡迎，酸酸甜甜好開胃，加上啲菠蘿，成為最受歡迎餸菜之一。其實呢間店嘅上海湯麵先至係精選，主食佢可以俾你揀菜飯、擔擔麵或上海湯麵，擔擔面堅好食，好香好辣！清湯麵都唔錯，因為佢哋嘅麵質好彈牙爽口，就算放耐咗都唔會林啤啤！最後我哋再叫咗一個豆沙鍋餅，皮脆豆沙餡多！