影片
更多
2019-05-14
238 瀏覽
去完上水耕田，同朋友想食番餐慰勞自己，就搵左呢間café試下。午餐時段，3個人等左5分鍾左右。間café唔大，但環境幾有feel，枱同刀叉柄都係木，重點係background music好多都係我仲意嘅英文歌，音量適中，配合埋少少暗既燈光，最適合三五知己輕輕鬆鬆傾下計或小型家庭溫溫馨馨食下野！由於我地勞動完都幾餓，三個女仔總共叫左兩個Set lunch加兩樣小食再加野飲，雖然係小食，但原本應該係比多D人share，食完覺得我地3個女仔都幾刷得，好滿足~~1. 香芒鴨胸片沙律 ($68) 極大碟沙律菜，沙律菜同個汁都好新鮮，有d芒果粒，鴨胸六大片，係份量充足同味道清新嘅小食。2. 雞翼拼盤(香烤蜜糖+烤焗水牛城各4隻) ($92) 先食水牛雞翼有D失望，因為鹹味比平時水牛城雞翼既味道喧賓奪主，唔推介。但香烤蜜糖雞翼就做得好出色，表層嘅蜜糖味真係好香加埋入面肉質嘅juicy，同埋入面真係好熱，似係即整，好好食！3. 蕃茄海鮮扁意粉 ($68) 原本係叫香辣牛柳絲扁意粉，但話冇哂問我地介唔介意轉成呢個，不過都冇令我地失望，雜錦海鮮嘅用料好豐富，有蝦、八爪魚片、蜆肉、茹片等，
1. 香芒鴨胸片沙律 ($68)
極大碟沙律菜，沙律菜同個汁都好新鮮，有d芒果粒，鴨胸六大片，係份量充足同味道清新嘅小食。
2. 雞翼拼盤(香烤蜜糖+烤焗水牛城各4隻) ($92)
先食水牛雞翼有D失望，因為鹹味比平時水牛城雞翼既味道喧賓奪主，唔推介。但香烤蜜糖雞翼就做得好出色，表層嘅蜜糖味真係好香加埋入面肉質嘅juicy，同埋入面真係好熱，似係即整，好好食！
3. 蕃茄海鮮扁意粉 ($68)
原本係叫香辣牛柳絲扁意粉，但話冇哂問我地介唔介意轉成呢個，不過都冇令我地失望，雜錦海鮮嘅用料好豐富，有蝦、八爪魚片、蜆肉、茹片等，意粉煙韌彈牙度適中，唔會過淋，蕃茄都好多而唔係一般茄醬，好可口，不過可能碟子比較大，看起來份量就頗小，係平時卡邦尼意或意大利飯果D好易滯所以通常細碟D嘅份量。
4. 美式醬烤豬肋骨伴薯條 ($72)
份量適中，個醬味道一流同烤得好入味，骨邊肉質嫩滑，物超所值！
5. 飲品: 抹茶牛奶綿綿冰 (原價$40，跟餐$15)
香芋牛奶綿綿冰 (原價$40，跟餐$15)
手工啤(洛神花茶葉黑加倫子及黑莓，6%) ($78)
我叫左抹茶牛奶綿綿冰，抹茶味好濃，重點係苦中帶點甘香的抹茶，而唔係一般得個甜字的抹茶牛奶，未必人人仲意，不過我仲意，再加D紅豆，都好MATCH！朋友的香芋牛奶綿綿冰就有香芋雪米糍的味道，都幾特別。另一個朋友就想試下佢D手工啤，有好多味道選擇，朋友簡左洛神花茶葉黑加倫子及黑莓味，我對酒冇咩研究，試左啖，都幾苦，洛神花味唔明顯，朋友就覺得都幾好飲，但唔跟餐就少貴。
整體而言，環境好，食物高質，待應友善有禮，價位適中，正！！
總計(加一)︰$408
張貼
