影片
更多
2022-01-09
1509 瀏覽
上水站📍滾起樓（粵點粵滋味）-上水開左間新嘅邊爐鋪，裝修幾靚，晚市冇得打邊爐，中午都要打返次！90分鐘午市台式火鍋放題（$218，另加一）火鍋有三個級別嘅肉可以簡，我地簡左最頂級嘅澳洲和牛M7🐮湯底就要鴛鴦鍋，另加$50，分別要台灣麻辣鍋同補身養生鍋（由黨參、嵾鬚、鴨血同杞子熬製而成）。豬、牛、羊都有好多款簡：澳洲和牛M7牛頸脊、美國安格斯PRIME牛小排、手切極級封門柳、安格斯特級牛板腱、美國PRIME雪花肥牛、西班牙豬五花片、京畿道豬梅肉片、紐西蘭羊肉片等等。先講下湯底，台式麻辣鍋唔算太辣，味道幾濃，問過店員，麻辣鍋只有一種辣度，平時食唔到辣嘅朋友都可以試下；養生鍋就幾鮮甜，淡淡藥材味。牛肉方面就梗係澳洲和牛最好食，好嫩滑，淡淡牛味；如果中意食重牛味嘅朋友，就應該會中意PRIME牛小排同封門柳。豬五花片肥瘦適中、羊肉片重羊味，少少羶。台式火鍋唔少得鴨血，薄薄地，好味😋仲有滷牛肚、牛腸、水餃、沙白、鮮蝦、鮮魚片等等。沙白好新鮮，睇片就知🤪丸、菜、其他火鍋材料、醬料同野飲係出面自助夾，幾衛生企理。烏冬、米粉、公仔面、響鈴都係出面自助拎😎野飲有桂花烏龍、菊花普洱、茉莉薄荷等等嘅泡茶，另外
-
上水開左間新嘅邊爐鋪，裝修幾靚，晚市冇得打邊爐，中午都要打返次！
90分鐘午市台式火鍋放題（$218，另加一）
火鍋有三個級別嘅肉可以簡，我地簡左最頂級嘅澳洲和牛M7🐮湯底就要鴛鴦鍋，另加$50，分別要台灣麻辣鍋同補身養生鍋（由黨參、嵾鬚、鴨血同杞子熬製而成）。
豬、牛、羊都有好多款簡：澳洲和牛M7牛頸脊、美國安格斯PRIME牛小排、手切極級封門柳、安格斯特級牛板腱、美國PRIME雪花肥牛、西班牙豬五花片、京畿道豬梅肉片、紐西蘭羊肉片等等。
先講下湯底，台式麻辣鍋唔算太辣，味道幾濃，問過店員，麻辣鍋只有一種辣度，平時食唔到辣嘅朋友都可以試下；養生鍋就幾鮮甜，淡淡藥材味。
牛肉方面就梗係澳洲和牛最好食，好嫩滑，淡淡牛味；如果中意食重牛味嘅朋友，就應該會中意PRIME牛小排同封門柳。豬五花片肥瘦適中、羊肉片重羊味，少少羶。
台式火鍋唔少得鴨血，薄薄地，好味😋仲有滷牛肚、牛腸、水餃、沙白、鮮蝦、鮮魚片等等。沙白好新鮮，睇片就知🤪
丸、菜、其他火鍋材料、醬料同野飲係出面自助夾，幾衛生企理。烏冬、米粉、公仔面、響鈴都係出面自助拎😎
野飲有桂花烏龍、菊花普洱、茉莉薄荷等等嘅泡茶，另外當然都有台式飲品同汽水。如果有甜品/雪糕會更正。
小食方面，有甜不辣、台灣腸、油炸鬼、炸魚皮、炸午餐肉、炸蕃薯條，味道唔錯。
環境方面，新淨企理，包箱坐得舒服，台面夠闊落，野食以QR code形式落單，order完好快到，亦不時有店員收碟加湯👍🏻
整體黎講，餐廳幾多野食簡，環境幾舒服，係上水呢個美食沙漠黎講都算唔錯。晏就都幾多街坊去食點心。
29 瀏覽
0 讚好
0 留言
張貼
