小王牛肉麵 (已結業)

上次同女朋友食過半筋肉麵，同鹽酥蠔同豆腐都幾好味，諗住今日再去，點知今日水準勁差，照舊叫個筋肉麵，再加個牛三寶麵，筋肉正正常常，但係個牛三寶既牛肚，食落口又韌又柴，有小小似咬緊條抺布
跟住叫左三個小食，照舊叫鹽酥蠔同豆腐，今次加個鹽酥雞，今次啲小食炸到好乾，豆腐就炸到變豆渣，炸蠔同雞就好似炸完放左好耐再反炸，得返啲炸粉味，叫左兩杯野飲，一杯水果茉莉茶，一杯水果花茶，水果茉莉茶就冇咩味，有小小似飲緊啲果汁先生加冰，放到啲冰融晒溝淡晒果陣味，水唔似水，茶唔似茶，水果花茶味度就，如果食得酸野，應該會覺得幾好掛，但係我應該唔食得太酸，飲左兩啖就再冇掂過杯野。唔知係今日個廚師係咪心情差，定係水吧條友新黎，今日喱餐食完，完全冇諗過再返轉頭食多次，埋單3百幾，食得都幾驚喜🤦🏻‍♂️

1