妹記大排檔

營業中

休息中

是晚同老公去女人街行下，行行下見到個易拉架，“妹記”二字令我哋可以一試品嚐聞名已久嘅大排檔。兩個人點咗三款餸，一隻紅燒乳鴿、鋼窩雞同鹹魚茸飛天通菜煲。紅燒乳鴿係屬於bb鴿嘅一種，上枱時熱辣辣 ，外皮好脆同嫩口。由於係bb鴿既關係，所以肉較少。鋼窩雞裏面嘅雞件真係好少，同埋係無肉既雞件，不過勝在香料多，好惹味，但係我倆就覺得麻麻地。鹹魚茸飛天通菜煲上枱時都係熱辣辣嘅，通菜好淋好入味，有鑊氣又有少少鹹魚味。由於兩個煲嘅香料、醬料都濃郁，最後都要叫個飯同一支啤酒嚟做陪襯。