Add Some Thai Restaurant

營業中

休息中

冇得返鄉下，又想食泰菜，又吾想去九龍城D泰國菜館，聽細仔仔介绍，12月3日一行三人，到此間位於，官塘一幢工厦樓上的泰國菜館，食晚飯，老實講呢類楼上食店，無仔仔帶路我肥華，一定吾識來，入店内坐底，感覺良好，坐位濶落，裝修有泰國餐館風味，最正就係有一大瓶水放在和枱面，等你飲，至於食品冬陰功湯，味道吾濃但非常足料，青口，虾，和其他配菜都足秤，冇欺客，酸辣鳳爪都好食嘅，紅㗎喱慢煑牛肉，全餐最好食嘅嘢，㗎喱香濃，牛肉淋滑入口即溶，值A+分数，跟住上枱嘅，沙嗲拼盆，芒果糯米飯拼雪糕，和椰汁糕都有不俗水準，總結此店出品普遍都有B至A評分，但可能佢遷就一般食客口味，D菜比起九龍城嘅泰國菜係，淡口D，如果吾係要追求正宗泰菜味道嘅朋友，可以到此店一試，試完應該會講句泰文，呀萊擘，即係好味咁解。