翠華餐廳 (H21商場) (已結業)

疫情+限聚令，餐飲業大受影響，連上市公司嘅翠華生意亦由盈轉虧今日嚟到位於筲箕灣嘅分店食下午茶現場所見，小貓三、兩隻，無咗班自由行內地捧場客，静咗好多。大部分香港茶餐廳嘅食物，翠華都有供應，價錢比一般茶餐廳貴。以往下午茶餐有迷你海南雞飯，而家無啦，又見無乜啱我食，唯有揀鱼旦河。奶油脆豬包係呢處出名，今次無叫，未知係唔係同以前咁脆？鱼旦同河粉還可以，但個湯底就，好鹹，好重味精。餐飲杯熱朱古力好稀，忍唔住叫侍應加番濃啲，又甜過頭！雖然我祇係食咗碗鱼旦粉，但感覺好一般，價錢貴咗，但無以前嘅水準。