影片
更多
2008-03-21
10 瀏覽
首先介紹圖內壽司: (由上而下)左一: 芝士蟹籽$15 + 吞拿魚沙律$9前者口感類似輕咬牛油果種感覺, 不過比較軟些少, 但芝士味非常濃烈, 令蟹籽味蕩然無存;自己就幾鍾意食, 覺得口感幾得意^^後者吞拿魚食落有種似曾相識感覺→超市罐頭油浸吞拿魚! 魚肉非常之乾身, 不值一試。不過自己最後都翻炒多一碟=.="右一: 吉列蠔卷$15 + 芝士黃金蝦卷$20蠔卷隻蠔比較細, 食落係唔多覺有蠔入面;後者面塊芝士整得少少, 已經差唔多冇哂芝士味, 不過反而就咁突出返裡面隻吉列蝦味道。左二& 右二: 三文魚$9冇得傾, 三文魚好新鮮, 又唔細塊, 口感真係好正! 有舊直情食落成塊腩咁, 嘩~ 正到暈~~ total K.O. 三碟!左三: 蟹籽香芒腐皮$20除可以話有少少新意外, 忘記佢啦! 三樣味道完全唔march.右三: 三文魚腩$12 + 吞拿魚沙律$9口感一流, 又重三文魚味, 下次再去剩叫三文魚腩, 忘記$9 三文魚啦~左四: 鮮墨魚仔$15 + 帆立貝$25唔知點解食親生墨魚都有種好似啜緊鼻涕型液體咁, 佢都令我有少少呢種感覺, but 唔強烈, 仲幾好食添~帆立貝輕軟可口, 頂級
左一: 芝士蟹籽$15 + 吞拿魚沙律$9
前者口感類似輕咬牛油果種感覺, 不過比較軟些少, 但芝士味非常濃烈, 令蟹籽味蕩然無存;
自己就幾鍾意食, 覺得口感幾得意^^
後者吞拿魚食落有種似曾相識感覺→超市罐頭油浸吞拿魚! 魚肉非常之乾身, 不值一試。
不過自己最後都翻炒多一碟=.="
右一: 吉列蠔卷$15 + 芝士黃金蝦卷$20
蠔卷隻蠔比較細, 食落係唔多覺有蠔入面;
後者面塊芝士整得少少, 已經差唔多冇哂芝士味, 不過反而就咁突出返裡面隻吉列蝦味道。
左二& 右二: 三文魚$9
冇得傾, 三文魚好新鮮, 又唔細塊, 口感真係好正! 有舊直情食落成塊腩咁, 嘩~ 正到暈~~ total K.O. 三碟!
左三: 蟹籽香芒腐皮$20
除可以話有少少新意外, 忘記佢啦! 三樣味道完全唔march.
右三: 三文魚腩$12 + 吞拿魚沙律$9
口感一流, 又重三文魚味, 下次再去剩叫三文魚腩, 忘記$9 三文魚啦~
左四: 鮮墨魚仔$15 + 帆立貝$25
唔知點解食親生墨魚都有種好似啜緊鼻涕型液體咁, 佢都令我有少少呢種感覺, but 唔強烈, 仲幾好食添~
帆立貝輕軟可口, 頂級新鮮, gf 好欣賞, 讚不絕口, 值得一試!
右四: 吞拿魚$12 + 油甘魚$20
夠新鮮, 但向來較鍾情於吞拿魚蓉;
油甘魚佢真係好鬼死正! 一定要試!
服務:
我地比較早去食, 開頭只得我地兩個, 直到臨走我要叫個侍應先至斟過一次茶;
order 即叫即整, 師父遞壽司時都好有禮貌;
埋單數碟佢會自動俾你check 先計數, 我就幾鍾意呢一點。
環境:
好滿意, 又寧靜(得兩個客, hahahaaaaaaaaa), 好乾淨企理, 坐bar 檯都幾舒服, 樓上雅座& 廁所就冇幫趁過喇~
埋單兩人連加一$250, 抵食~
題外話:
如果佢地做埋一磅三文魚刺身$98 外賣$88, 隔離間仲有得做咩? 除呢一點之外, 論環境論服務論食物【上壽司】都高幾班! 相信有去過人都知道最難頂就係服務態度! 試完上壽司, 我一定唔會再去隔離度食壽司! (不過外賣特價$88 一磅三文魚刺身除外! ) XDDDDDDDDDDDDDDDDDD
張貼
