鮨蕾 (已結業)

難得放假，約好友豪食館Lunch嘆返吓。我哋點咗一個特選壽司同鰻魚重御膳餐。首先前菜係鴨胸沙律，鴨胸肉質嫩滑，沙律菜酸酸甜甜好開胃。茶碗蒸入口好滑溜，入面仲加咗白果同冬菇增添口感。特選壽司有十二種，每一種嘅刺身都好大大舊啖啖肉。漬物有紅菜頭同柚子蘿蔔，每食一舊壽司可以食少少漬物清一清味蕾。而wasabi係新鮮即磨味道好濃。海膽拖羅 - 海膽橙黃色有光澤，味道好鮮甜，口感幼滑，底下加咗拖羅碎增加油脂感。象拔蚌 - 肉質鮮美爽脆赤貝 - 口感爽脆帶子 - 大大粒一開二好鮮甜大拖羅 - 油脂分布均勻，好肥美平目魚 - 入口清脆口感特別吞拿魚 - 筋少，口感軟滑左口魚邊 - 經過火灸後入口即溶鱲魚 - 口感嫩滑，魚味濃石鯛 - 口感韌韌地，有嚼勁間白魚 - 質感豐富有螯甜蝦 - 肉蝦爽口彈牙鰻魚飯一打開蓋香味溢出，鰻魚好厚肉肥美，灑上山椒粉更加惹味。最後甜品係芝麻/海鹽雪糕，奶味好香濃好好食。豪華lunch，食物高質，食環境，食服務。