君戶鍋貼大王 (已結業)

小時侯，吃到的上海鍋貼都是又大隻又皮厚的，總以為這就是正宗的上海鍋貼。直到去了上海吃了正宗的鍋貼後，才知道這是香港Style的鍋貼。大大隻皮厚又多肉，就好似証明香港人執著「抵食兼大件」的概念一樣。但是，可能根在香港的原因，對這種「抵食兼大件」的鍋貼始終情有獨鍾。13蚊5隻的鍋貼，每隻都煎到底部脆卜卜，咬落去肉汁熱辣辣咁Bit哂出黎，一不小心就好易辣親個口。配上豆瓣醬，港式鍋貼就出現了！大大隻，5隻已經好夠飽！以往都係飲開甜甜的凍豆漿，今日打風天的晚上忽然想飲下咸豆漿。豆漿好似落左唔少味精落去咁，而且忘記了走蔥，蔥味太濃。蔥味加上味精，其實唔係好食到豆漿的香及甜味。油條都幾新鮮脆卜卜，索哂D豆漿去食都幾過癮