K2 Kitchen (已結業)

今晚原本係一對夫婦朋友嚟觀塘搵我食生日飯的。點知人夫病咗(佢都係8月生日的)。最後得返我地兩個美女食。之前係K2 kitchen食過lunch。覺得唔錯，所以揀咗今晚晚餐。我地今晚散叫。冇叫晚餐。K2 kitchen慢煮三文魚-原本非常期待的。但當三文魚上枱時。賣相雖被吸引，但一切開是生的。完全唔熟。最後都係要再煎過才可以食。但好彩肉質非常嫩滑。主菜-有骨黑豚豬胺，芥末，萍果茸呢個主菜攞滿分，離保剛才的失誤。豬胺煎得好香，肉質非常嫩。有肉汁。完全一d鞋，靱感覺都冇。油封鴨肶煙肉白豆-鴨肶煎得香脆，肉淋。配上白豆，白豆味道尚可。最後甜品朱古力心太軟-非一般的心太軟。心型配襯一朵非常燦爛耀眼的花。再配上一球雲尼拿雪糕。雖然唔夠流心，但賣相已經贏晒。仲要一讚廚師。佢知道朋友有BB，唔可以食生嘢及凍嘢。就提醒一下心太軟有雪糕及唔會焗至全熟。還提議朋友叫了一個焗萍果批(不過我忘記影相)今晚餐飯除咗三文魚之外，其他食物水準都唔錯。