小澤日本料理 (已結業)

小澤係我其中一個飯堂，因為性價比非常之高，而且午餐可以喺Menu裏面揀三款嘢食，啱晒我呢啲心大心細樣樣都想食啲嘅人。地方其實好細，所以我通常都只會兩個人先會黎，同埋一定會預訂先。試過幾次行斜路上到嚟先發現冇位😌呢度午餐可以揀嘅款式好多，魚生，壽司，沙律，卷物，熟食。我最推介嘅係碎魚生飯，半熟三文魚飯，燒鰻魚。如果怕太飽，我有時會揀沙律或者蟹子沙律。但記住係唔可以重複揀同一樣。今次同朋友黎，揀咗碎魚生飯，帆立貝壽司，三文魚飯，燒雞扒，同燒魚鮫。魚生份量好多，一定食得滿足。熱食例如雞扒同埋魚鮫如果想跟飯可以另外叫佢比，不過我哋太飽就無叫到。食完之後，每人仲有一球雪糕做甜品。每次有兩款你揀，款式次次都唔同，今日係豆腐同埋海鹽雪糕。食到勁滿足，埋單又唔洗加一，推介！