影片
更多
2018-03-18
122 瀏覽
今日係白色情人節😊輪到男仔回禮既日子！有人賴神秘話唔洗我煩惱諗食咩 .呵呵！淨係叫我專心扮靚著靚d，享受佢既安排就得🤗這太令人期待了吧！佢約左我係銅鑼灣等……間餐廳就係地鐵站附近。😍OMG!原來佢帶我去食我一直都好想食既《鉄人旨花》！我同佢講過呢間餐廳好高級，全部野食都係由師傅發辦“omakase”。而且個個人comment 都話d野食好正。估唔到佢有放係心度記住😉上到去，環境好靚。分左幾個間格。有食鐵板燒區同日本料理區。餐廳都放滿不同既花草作裝飾，令人感到好舒服清新。坐低左，職員已經好細心為我們遞上熱茶同介紹一下兩款既omakase既分別。好快師傅就出黎為我們準備了！好興奮😋。還細心地問我們有什麼不吃。佢將會為我地發辦，咩都唔洗諗，由佢話事 同準備最岩時令既食材俾我地食！😀岩哂有選擇困難既我😂!好快第一道菜就黎了！🤗＊好靚既一道：前菜先試試由日本出產既蕃茄，師傅叫我地點一點岩鹽食：話說我不喜歡吃蕃茄，因為覺得口感好怪，而且味道一點都不好味。本打算夾俾隔離個個人食。點知佢食左第一啖，竟然話超好味！叫我一定要試，我會愛上！😳講到咁誇張當然要試下！😬OMG! 一咬落去d汁多到流哂出黎。同平
呵呵！淨係叫我專心扮靚著靚d，享受佢既安排就得🤗這太令人期待了吧！
佢約左我係銅鑼灣等……間餐廳就係地鐵站附近。😍
OMG!原來佢帶我去食我一直都好想食既《鉄人旨花》！
我同佢講過呢間餐廳好高級，全部野食都係由師傅發辦“omakase”。
而且個個人comment 都話d野食好正。估唔到佢有放係心度記住😉
上到去，環境好靚。分左幾個間格。有食鐵板燒區同日本料理區。餐廳都放滿不同既花草作裝飾，令人感到好舒服清新。
坐低左，職員已經好細心為我們遞上熱茶同介紹一下兩款既omakase既分別。
好快師傅就出黎為我們準備了！好興奮😋。還細心地問我們有什麼不吃。佢將會為我地發辦，咩都唔洗諗，由佢話事 同準備最岩時令既食材俾我地食！😀
岩哂有選擇困難既我😂!
好快第一道菜就黎了！🤗
＊好靚既一道：前菜
先試試由日本出產既蕃茄，師傅叫我地點一點岩鹽食：話說我不喜歡吃蕃茄，因為覺得口感好怪，而且味道一點都不好味。
本打算夾俾隔離個個人食。點知佢食左第一啖，
竟然話超好味！叫我一定要試，我會愛上！😳
講到咁誇張當然要試下！😬OMG! 一咬落去d汁多到
流哂出黎。同平時食既完全唔同。點解食落咁爽又多汁！
而且仲要好甜美，又清新！太令人驚訝！😬
最後好野當然要自己食啦！😬
紫菜海膽炸魷魚卷：做得好靚又特別既配搭。咬落好彈牙，口裡那陣陣海膽既鮮味，好鮮！很喜歡！😀
三文魚籽 冰頭漬，師傅話即係三文魚既鼻軟骨位。落左d酸汁調味，
食落唔會覺得腥，反而覺得好鮮！食落係好爽口。
都係第一次食！唔錯唔錯！😍
三款既時令刺身：🍣＊右口魚 ，金目鯛，（三升漬）中拖羅
特別想講下 中拖羅刺身😍真係好味！拖羅好肥，入口有即溶感覺。而加上三升漬 一齊食，
味道有少少酸，令到拖羅既味道更突出！好襯！
🐂和牛薄燒🐂和牛薄切，但牛味亦相當重！雪花紋均匀，一啖放入口，
油脂流出。太好味！而且配上炸過的蒜片同葱一齊食，
令到和牛 好味既程度推到更高！😋
但食完會有d油膩。
師傅為我們送上 解膩小食：
柚子蘿白漬，是餐廳自己研製出黎的小食。
蘿白浸過柚子汁，咬落好多水份，酸酸甜甜。真係好解膩！又開胃！👍
紫菜蟹肉大蜆湯 😋蟹肉同大蜆令到成碗湯都好鮮，好清甜！
海膽蟹肉紫菜啫喱😍係師傅最新推出既一道菜！第一次吃到熱食既啫喱，口感特別新穎！
淡淡既紫菜啫喱，食到少少既蟹肉鮮味,
但不會遮蓋到濃烈既海膽既鮮味！
兩種味道既口感，很match!！👍
然後輪到8款既壽司🍣:
目張壽司：來自本州北部青森縣，而家最當做之一。食落肉質相當鮮美！
超级澎湃 既 北海道海膽壽司，睇見都流哂口水：師傅更加上新鮮既紫菜。
一啖放入口，那種好味的程度，太難以文字可以形容得到！
太過濃郁了！口感相當豐富😍超讚！
火炙柚子胡椒右口魚邊：食落酸酸既柚子味，很襯。平時食既都係左口魚，原來有右口魚架！😂
但味道同質感都差不多。
右口魚燒過，暖暖地。食落很好味，入口即溶 ，亦好爽口。
油脂相當多的魚！
😍最令人驚喜的：大拖羅（最少根位的部份）！師傅更放上 炸葱絲，令到更香口更有口感。拖羅入口即溶，太肥美了！
魚油浸出成個口裡！而家仲回味緊！😚
燒蟹膏牡丹蝦壽司：蟹膏味很重，再加上牡丹蝦既鮮味。很夾！而且蝦肉爽口彈牙！👍
深海池魚壽司：係深科類油份最高既一種魚。所以食落會覺得好肥美鮮甜，賣相好靚！
黑松露北寄貝壽司：北寄貝不會覺得乾身，而且軟腍腍，食落好厚肉。配上濃濃的黑松露味更加香！
油甘魚壽司：食落甘香肥美！食完非常飽！！最後送上最後一道菜
甜品：🍎新鮮雜果配柚子啫喱
食落相當清新鮮甜，解一解頭先的油膩。食得相當滿足！這個白色情人節太驚喜又滿意！💏真的很好味喔！
張貼
