Japanese X Korean Library (已結業)

晏就食lunch，係返工地點附近搵嘢食之後又要去開會，所以唔可以行好遠。唯有去附近嘅Manulife 搵下野食啦。呢間餐廳主打日本同韓國菜，簡單咁叫咗個三文魚刺身飯，隨餐仲附送一杯熱飲。職員嘅效率好高，等左幾分鐘就已經見到個號碼係個螢光幕上面啦。三文魚同出邊普通餐廳差唔多，味道冇話特別突出，中中等等不過不失咁，我覺得都算新鮮嘅，份量都唔少架，送完飯仲有幾塊慢慢享受，都算唔錯呀以呢個價錢。不過下次可以試下其他嘢囉