翠園 (銅鑼灣廣場) (已結業)

是日訂咗匯豐信用卡975元的85折冬瓜盅 ‧ 龍蝦 ‧ 藍鱈魚宴。實在不知所謂。正如其他評論所指，翠園大幅裁減樓面人手，三十張檯，先得四個人。真係戥佢地慘，服務差亦正常。張檯布中央穿咗個窿，已經覺得好似坐屋邨酒樓。再叫茶就發現茶壺底黏咗一堆茶葉，人未到齊張檯布已污糟哂。已經十幾年無幫襯，無諗過而家翠園係咁質素，水準只是新星、明星、稻香之流，以前算高級的翠園竟淪落如此...套餐只有冬瓜盅、小炒皇算好食。金蒜雞略淡，但肉算嫩。生炒骨唔脆，甩皮。油浸藍鱈魚基本上係乜魚都無相干，因為炸完再炸，肉乾柴、無味。若你以為好似銀鱈魚咁好油脂，咁嫩滑的話，只會更失望。龍蝦伊麵就與一般屋邨酒樓質素一樣。龍蝦殼多過肉，伊麵黏糊糊...素千層、娃娃菜一般水準，補充食用纖維尚可，談不上好食。總之個餐嚴重將貨就價。相信散叫會貴啲，但質素可能好啲。