點點心 (已結業)

唔好誤會，我講嘅三合一唔係洗頭水喇，哈哈，係點點心度飲茶簡直係平靚正喇，仲唔係三合一？呢度嘅冬菇包好得意，整個都係冬菇造型，裡面嘅餡都係東西，一咬就覺得滿嘴冬菇香味吖，不過外面黑色果層有D苦味，呢嘅包話企好食又未必，我自己就係鐘意企造型多D喇；炸蝦腸，其實就是鮮蝦腸入邊包住條香脆版嘅油炸鬼，不過唔可以否認，真係好食咗唔少，粉皮韌韌嘅，油炸鬼脆脆嘅，蝦肉甜甜嘅，唔錯嘅口感！糯米雞好香，同我細嘅食嘅味道差五多，好香口，雞肉都有唔少，糯米吸咗D雞肉同買其他香料仲有菏澤嘅香味，成個唔同曬，好食。燒汁茄子，D矮瓜上面放咗大大粒蝦丸，矮瓜油炸之後吸咗蝦丸嘅鮮甜，加上本身嘅甜味，外層嘅微脆，勾芡嘅調味，真係令人流口水吖！