咯咯雞韓食店 (牡丹大廈) (已結業)

哩間韓國炸雞店地方好細只有幾個位，所以一有4個人食緊就要排！嗰晚九菜真係排到大汗叠細汗呀！不過排完又真係覺得冇中伏。哩度炸雞有好多款味道，炸到好熱好脆即刻食，入面又有汁，真係算係食過嘅韓國炸雞中好出色嘅一間，好食過好多大間嘅韓國餐廳！我哋叫咗柚子檸檬味同原味各1/3同一水冷麵。1/3已經有4舊，兩個人兩個味再加個冷麵剛剛好。柚子檸檬酸酸甜甜係我至愛，更驚喜嘅係就算九菜唔中意食原味都覺得好好食！不過老實講就同韓國食有少少距離，因為雞嘅關係？中途見到好多人外賣，唔知仲keep 唔keep到脆呢？不過哩度有大有細好flexible，而且又唔貴，如果我住附近都會選擇嚟哩度加餸。