三分俗氣 (已結業)

好耐冇食上海菜啦，見到有報導推薦三分俗氣就專程嚟新蒲崗試下。蟹粉小籠包（$60/4隻）：食上海茶點可以唔叫小籠包！每隻小籠包都勁多肉汁！而且皮好簿，唔會食到成口粉。四川紅油抄手🌶（$45）：好耐冇食到抄手啦，見到有梗係要叫嚟食下啦！辣油量好足，雖然得一隻🌶但個麻辣味都好強勁，啱曬鍾意食辣嘅人。杭州鹵蛋紅燒肉（$82）：紅燒肉係用半肥瘦嘅五花腩整嘅，肥大肉厚，啲肉炆到好淋，每一塊都沾滿咸咸地嘅醬汁，送飯一流！自家製樟茶鴨（例牌$65）：今次係我第一次食樟茶鴨，見到有碟醬跟住個鴨一齊上就試下沾醬食啦。原來係甜醬，配埋個饅頭一齊食，鴨皮脆，饅頭軟，都幾有特色。砂窩鹹肉菜飯（$68）：一開蓋就聞到好香！唔好見到面頭果幾塊鹹肉就以為得咁少，個茶飯都有啲鹹肉切碎左一齊炒，飯粒粒粒分明，！估唔到新蒲崗都有啲咁正嘅上海菜，想食上海菜可以嚟try try!