HAND3AG (K11購物藝術館) (已結業)

趁老闆不在，捉左另外兩個同事蛇左去附近K11間三文治鋪食個tea。呢間鋪頭裝修幾乾淨整齊，無好多好花巧嘅裝飾，比人一種好舒服嘅感覺。今日叫左幾款sandwich，有蝦兵蟹將鐵板三文治、慢調撕理食肉獸鐵板三文治、拉麵叉燒鐵板三文治，另外仲有叫到3日3夜自家手切薯條、黑椒蒜香雞槌。幾款三文治用嘅配料都好新鮮，就算係新式嘅三文治店都應該無呢幾款可以撞得到款，尤其拉麵叉燒，真係有拉麵放左入三文治入面，食落個口感係特別嘅。另外薯條係厚切嘅，配埋個黑松露醬真係好好味。雖然份量未必好夠男士食，但係OL絕對夠食，打卡之選！