蛇王兄 (已搬遷) 新店位置

龜苓湯，老闆話可以排毒袪濕喎，最鍾意陣藥材味，熱辣辣好好飲呢 ﹗質感仲膠膠地添，凍左真係難飲好多，一定要趁熱。蛇羮，味道都唔錯。實在無辦法，夏天始終唔係食蛇既季節，蛇肉又少又瘦呢 ﹗好采仲有大量木耳、冬菇、瘦肉啫，都幾好味。正所謂秋風起三蛇肥麻，依家夏天無肉食呀 ﹗蛇油雞飯，好食到不得了 ﹗蛇油非常滑溜，質感厚薄適中，咸香又帶甜，味道特別 ﹗香味濃郁，撈飯食一絕呀，真係可以撈上兩三碗飯都唔覺膩 ﹗切雞皮香肉嫩，半肥瘦剛剛好。早前係大埔蛇王如食過一次，都好味既，不過佢地個汁較稀較水囉，似鹽水雞多啲。蛇油雞飯、龜湯、蛇湯、蛇羮、糯米飯，夏天都要進補架 ﹗好味道 ﹗多謝展師傅同成師傅過黎我屋企維修廚櫃同冷氣，小小心意我請客啦 ﹗三個麻甩的浪漫，最衰無得一齊啤啤去，師傅們由朝做到晚太睏，想盡快返屋企休息，連打冷都唔想，所以走左黎食蛇快餐囉。