今日去左鴨寮街買野，買完是但搵間餐廳食晚飯，見到呢間炯記手撕雞都幾多人食就決定試下！
我地叫左個Set Dinner 二人滿足套餐（$198）酸辣蒜香雲耳 bb酸辣度，食落開胃嘅涼拌小菜。鹽焗雞腎，因為手撕雞揀左麻辣味，雞腎就試鹽焗，估唔到都唔錯而且雞腎好爽口。麻辣手撕雞（例牌）皮香肉嫩雞味濃，個麻辣醬辣而唔嗆喉！見唔少人叫手撕雞腸粉或者撈麵，下次可以一試！
秘製醬皇豬手（四隻）係男朋友想試，佢話好入味想下次再encore！郊外油菜，正常嘅油菜。主食我地叫左一個白飯、一個太子鵝油撈麵，白飯唔講啦個撈麵好大碗，鵝油令到個麵昇華左！仲有兩碗是日老火湯同可樂，呢個價錢真係平靚正！
平民價錢但食得出店家用心烹製，值得再黎多次！
