日日涮 (已結業)

今日男朋友喺美孚收工，佢話嗰到有間新開嘅放題好好食，所以我地今晚決定大涮一餐XD我地叫左海鮮盛盒+刺身拼盤+晚市120分鐘火鍋放題。因為我地張枱係有兩個細爐，所以係一人一鍋。我叫嘅湯底係小魚蕃茄湯;而男朋友叫嘅係泡菜豬骨湯。放題嘅牛肉有四種選擇，我地就揀左最貴嘅日本霜降和牛！日本霜降和牛果然入口即溶，由於係放題可以refill，我地前後都食左五碟！除左牛肉，仲有黑毛豬豚肉同特選雞腿肉tim。海鮮盛盒有大大隻龍蝦、鮑魚、生蠔等等，全部都好新鮮。因為我唔食得海鮮，所以就由愛食海鮮嘅男朋友全部食曬。佢話好滿足XD刺身拼盤就有三文魚、海膽等等，全部都好鮮甜！出面有各式各樣嘅打邊爐配料，仲連飯都有tim XD飲品係任飲，有汽水、茶、竹蔗茅根等等，全部任君選擇。每人都包一杯Häagen-Dazs或Mövenpick雪糕，我揀左曲奇雲呢拿味而男朋友就揀左士多啤梨味。呢到嘅staff都幾落力，全晚自動幫我地加湯，一揚手就即刻有人黎幫你。食物同服務質素都咁好，值得再黎多次！