影片
更多
2022-11-30
27 瀏覽
平時周末都係訓到中午先起身，今次就有朋友約我去西環嘅香港大學站《TBC Cafe》度食早餐。門口有一個藤製吊椅，等我打番張卡先入去。裡面嘅坐位同樣用左藤製嘅坐椅，坐得好舒適，好似去左泰國度假一樣。TBC 全日早餐好豐富嘅all day breakfast, 有齊牛角包窩夫、香腸、煙三文魚、粟米、沙律、水波蛋大啡菇、乳酪、車厘茄，一次過食哂真係好滿足。冬陰蛋黃醬煙三文魚班尼迪克蛋用冬陰醬真係好創新，但係唔會有太酸同太辣，味道平衡做得啱啱好。另外仲用左牛角窩夫取代傳統嘅英式鬆餅，流心蛋加埋煙三文魚好惹味。娘惹喇沙老虎蝦扁意粉 喇沙通常都係湯麵比較多，估唔到同扁意粉都幾夾，吸引哂濃郁嘅喇沙汁，味道微辣。老虎蝦大隻，同埋已經開左邊，蝦肉彈牙新鮮。黑松露忌廉汁雜菌蝴蝶粉個醬幾creamy, 有濃厚嘅忌廉汁。加上粒粒黑松露同雜菌，香味撲鼻，濃郁又惹味。75%朱古力咖啡上層係奶泡再灑上朱古力粉。中層加入特調朱古力醬，底層就係鮮奶咖啡，味道朱古力味好濃郁，口感豐富。椰子牛奶咖啡外型好吸引，杯邊灑些椰絲，打卡一流。用左特調椰皇汁同埋鮮奶製成，至於咖啡豆就用左尼加拉瓜嘅豆，果仁味好突出。野莓麻糬窩夫配野莓
TBC 全日早餐
好豐富嘅all day breakfast, 有齊牛角包窩夫、香腸、煙三文魚、粟米、沙律、水波蛋大啡菇、乳酪、車厘茄，一次過食哂真係好滿足。
冬陰蛋黃醬煙三文魚班尼迪克蛋
用冬陰醬真係好創新，但係唔會有太酸同太辣，味道平衡做得啱啱好。另外仲用左牛角窩夫取代傳統嘅英式鬆餅，流心蛋加埋煙三文魚好惹味。
娘惹喇沙老虎蝦扁意粉
喇沙通常都係湯麵比較多，估唔到同扁意粉都幾夾，吸引哂濃郁嘅喇沙汁，味道微辣。老虎蝦大隻，同埋已經開左邊，蝦肉彈牙新鮮。
黑松露忌廉汁雜菌蝴蝶粉
個醬幾creamy, 有濃厚嘅忌廉汁。加上粒粒黑松露同雜菌，香味撲鼻，濃郁又惹味。
75%朱古力咖啡
上層係奶泡再灑上朱古力粉。中層加入特調朱古力醬，底層就係鮮奶咖啡，味道朱古力味好濃郁，口感豐富。
椰子牛奶咖啡
外型好吸引，杯邊灑些椰絲，打卡一流。用左特調椰皇汁同埋鮮奶製成，至於咖啡豆就用左尼加拉瓜嘅豆，果仁味好突出。
野莓麻糬窩夫配野莓乳酪雪糕
窩夫新鮮製作，送到上嚟嘅時侯仲熱辣辣，切開裡面原來有麻糬，煙煙韌韌。Dressing就用左士多啤梨醬同埋新鮮士多啤梨，加埋冰凍嘅乳酪雪糕，好吸引呀。
鮮芒果麻糬窩夫配椰子雪糕
依款就用左芒果果肉同埋芒果醬，會比較香甜，椰子雪糕就充滿椰香味，同樣出色。
✨人均200左右
如果唔想錯過其他好介紹，記得follow我呀😘
多謝大家！！！
張貼
