來多碗車仔麵 (路德圍)

閒時間唔中都會去路德圍附近搵食, 今次黎食"來多碗"車仔麵, 餐廳好似以前傳統車仔麵店咁, 喺門口可以睇到哂車仔麵餸一格格, 睇睇餐牌都幾多選擇。

揀好車仔麵餸麵同飲品就可以喺門口位置有收銀位直接落單俾錢, 跟住就可以坐定定等食, 店員會拎食物上枱。

蘿蔔清甜無渣, 墨魚丸夠彈牙, 蝦條都好味, 而且湯底就算清湯都好清甜👍

另外叫咗台灣麻辣鴨紅, 有鴨紅仲有韮菜, 真係夠哂麻辣, 確實好少會喺車仔麵店搵到。

豬皮同鳳爪好淋又入味, 推介豬腸都好正好有豬腸味(鍾意食豬腸就會明😂), 魔鬼辣醬果然係勁辣夠香, 鍾意辣可以試下。