Igeo Sago Cafe (已結業)

一直知道屋企附近有一間韓式咖啡餐廳，因為未試過，加上想食韓國野，就買外賣回家吃。韓式牛仔骨飯首先飯既份量真係好足好大份，雖然係午餐，但係份量好似小菜咁多，牛仔骨真係好多塊，食極都有，呢點好抵讚。 但味道方面就完全食唔到有咩韓式，初頭以為可能會辣，但後來發現一d都唔辣，只係普通既燒牛仔骨味。 配菜有洋蔥，炒到好軟都入味。 味道其實無咩問題，只不過就唔係韓式，牛骨仔都有d煮得過左火，但作為一個午餐，無咩要求下，算合格啦。