影片
更多
2009-06-27
15 瀏覽
好耐無嚟天后食嘢，呢度真係變咗好多，成條食街咁！朋友住附近，問佢有乜好介紹，佢話經常去《順》食晚飯，貪佢夠旺，魚生肯定新鮮，所以ニ話不說，一行四人決定去《順》！嘩！點解咁多人嘅，又話金融海嘯又話人類豬流感，一啲都影响唔到呢度，名店即係名店，怪之得啦，原來佢哋開咗成 12年！我哋先叫咗支冷酒，有半價優惠，1.8公升 $180，還有北海道粟米剌身 ... 真係不能不介紹呢個粟米，雖然話係剌身，但其實乜都唔駛加，就咁食，超甜超多汁，好似食生果咁，正！跟住就係芥末伴海鳗魚旦 ... 呢個魚旦弹牙兼有好濃嘅魚味，攞嚟襯佢嗰 D 芥末先至精彩，又夠辣又夠剌激，直頭〝供〞晒鼻，原來佢係〝話沙B〞嘅幹部 (我哋平時食嘅生磨〝話沙B〞係根部)。接住就梗係到刺身啦！我哋叫咗個「竹」併盤，另加日本海螺、平政薄切、太刀魚等。併盤有拖羅、左口魚、三文魚、油甘魚、甜蝦、帶子及三文魚子，先講個拼盆，樣樣都新鮮肥美，憑良心講，以$380 有咁嘅質素同份量，真係超抵食！至於海螺 ... 又爽脆又鮮甜，充滿海水味！平政薄切 ... 以為要薄切嘅魚應該比較多筋，點知出乎意料之外，無筋兼超肥美！太刀魚 ... 即係銀带魚，我
朋友住附近，問佢有乜好介紹，佢話經常去《順》食晚飯，
貪佢夠旺，魚生肯定新鮮，所以ニ話不說，一行四人決定去《順》！
嘩！點解咁多人嘅，又話金融海嘯又話人類豬流感，一啲都影响唔到呢度，
名店即係名店，怪之得啦，原來佢哋開咗成 12年！
我哋先叫咗支冷酒，有半價優惠，1.8公升 $180，
還有北海道粟米剌身 ... 真係不能不介紹呢個粟米，
雖然話係剌身，但其實乜都唔駛加，就咁食，超甜超多汁，好似食生果咁，正！
跟住就係芥末伴海鳗魚旦 ... 呢個魚旦弹牙兼有好濃嘅魚味，
攞嚟襯佢嗰 D 芥末先至精彩，又夠辣又夠剌激，直頭〝供〞晒鼻，
原來佢係〝話沙B〞嘅幹部 (我哋平時食嘅生磨〝話沙B〞係根部)。
接住就梗係到刺身啦！
我哋叫咗個「竹」併盤，另加日本海螺、平政薄切、太刀魚等。
併盤有拖羅、左口魚、三文魚、油甘魚、甜蝦、帶子及三文魚子，
先講個拼盆，樣樣都新鮮肥美，憑良心講，以$380 有咁嘅質素同份量，真係超抵食！
至於海螺 ... 又爽脆又鮮甜，充滿海水味！
平政薄切 ... 以為要薄切嘅魚應該比較多筋，點知出乎意料之外，無筋兼超肥美！
太刀魚 ... 即係銀带魚，我都係第一次食，想唔到都幾肥幾好食！
食完刺身，大家都意猶未盡，再想食壽司，於是點咗燒拖羅、牡丹蝦、鯖花魚，
當然仲有眾人至愛 ...海胆！
拖羅、牡丹蝦、鯖花魚都無令我哋失望，但必須要講吓 D 海胆，
店員話有兩種海胆供應，分別係九州同北海道，大家都同意兩種都試吓，
比較下，覺得九州的雖然清甜，但不夠北海道的味道濃厚，好似忌廉咁，
食完好耐仲有回甘嘅感覺！每件$80，價錢好合理呀，都唔知點解 D 網友講到
要成百幾蚊 1 件，嚇死人咩！不過講真句，食好嘢梗係要付出多少少啦，
要平點解唔去超市買返屋企食唧，至於好食與否就每個人嘅標準都唔同，
我哋就一致同意好食！
當晚熟食就食咗任選 5 點套餐 (好似係 $350)，包括有：
清酒煮蜆 ... 蜆又大隻又鮮甜，煮到啱啱熟！
吉列豬扒 ... 雖然唔係黑豚，但肉質又幾鬆軟多汁喎。
鹽燒油甘魚頸 ... 呢樣唔駛多講，我最喜愛嘅熟食，燒得夠香，值得讚！
炸蠔 ... 全晚內比較中規中矩的。
牛肉鍋 ... 我戒咗牛肉所以無食，但睇見個賣相都好靚，大大鍋咁，份量足！
食完呢餐真係好滿足，臨走仲有抽獎，由朋友出手，抽到支熱清酒，
仲加送多一張九折咭，又有藉口下次嚟食過。
不過下次一定要記住带相機映低 D 食物嘅靚樣同大家分享！！
張貼