影片
更多
2024-02-20
44 瀏覽
🍽安娣瑪萊 📍尖沙咀廣東道3-27號海港城海運大廈地下G16號舖-----同屋企人去尖沙咀買嘢，本來想行過嚟食海南少爺，點知嚟到發現同一個位置轉左第二間餐廳，呢間新開嘅餐廳係馬來西亞菜，望落裝修幾雅緻，餐牌又有我想食嘅海南雞，所以就決定入嚟一次究竟。.#迷你魚醬蝦米春卷 $12脆卜卜嘅蝦米春卷，鹹鹹香香，幾特別，作為餐前小食，份量啱啱好。#蟹肉雜菜薄餅卷 $128綿密帶麵粉香嘅薄餅皮下，包裹有大量紅蘿蔔、白蘿蔔及蟹肉，單食幾清新，點少少辣醬就更添特色。#亞參酸辣沙巴仔配黃金油條 $368雖說是沙巴仔但其實魚Size頗大，魚肉口感嫩滑，火喉控制恰到好處，加上甚具馬拉特色的酸辣醬汁，開胃下飯。酥酥香香嘅黃金油條索上酸辣汁後好似麵根質地，有啲似咖喱齋。#海南雞鑊仔飯 $368期待已久嘅海南雞好彩冇令我失望🥹，皮滑肉嫩，雞皮同雞肉之間仲有少許上湯啫喱，而且分量好足，而鑊仔飯亦絕非配角，裡面有粒粒芋頭、臘腸、蔥油等等，加上底下嘅飯焦，香口非常，真心必食之選，宜家睇返相都已經想食多次，一個飯份量大概夠2-3人share。#班蘭咖椰多士 $58多士面層烘得夠脆，澎湃嘅青草色咖咉醬被抹成波浪形狀，份量
📍尖沙咀廣東道3-27號海港城海運大廈地下G16號舖
-----
同屋企人去尖沙咀買嘢，本來想行過嚟食海南少爺，點知嚟到發現同一個位置轉左第二間餐廳，呢間新開嘅餐廳係馬來西亞菜，望落裝修幾雅緻，餐牌又有我想食嘅海南雞，所以就決定入嚟一次究竟。
.
#迷你魚醬蝦米春卷 $12
脆卜卜嘅蝦米春卷，鹹鹹香香，幾特別，作為餐前小食，份量啱啱好。
#蟹肉雜菜薄餅卷 $128
綿密帶麵粉香嘅薄餅皮下，包裹有大量紅蘿蔔、白蘿蔔及蟹肉，單食幾清新，點少少辣醬就更添特色。
#亞參酸辣沙巴仔配黃金油條 $368
雖說是沙巴仔但其實魚Size頗大，魚肉口感嫩滑，火喉控制恰到好處，加上甚具馬拉特色的酸辣醬汁，開胃下飯。酥酥香香嘅黃金油條索上酸辣汁後好似麵根質地，有啲似咖喱齋。
#海南雞鑊仔飯 $368
期待已久嘅海南雞好彩冇令我失望🥹，皮滑肉嫩，雞皮同雞肉之間仲有少許上湯啫喱，而且分量好足，而鑊仔飯亦絕非配角，裡面有粒粒芋頭、臘腸、蔥油等等，加上底下嘅飯焦，香口非常，真心必食之選，宜家睇返相都已經想食多次，一個飯份量大概夠2-3人share。
#班蘭咖椰多士 $58
多士面層烘得夠脆，澎湃嘅青草色咖咉醬被抹成波浪形狀，份量慷慨，沾上碟上的花生碎碎，入口帶濃濃椰香、牛油香、斑蘭香及花生香，咖咉醬質感有點像Mousse，細膩幼滑，不得了。
飲品推薦斑蘭味好出嘅斑蘭紅豆冰🫘，試咗另一杯菠蘿熱情果沙冰，不錯，但個人覺得斑蘭紅豆冰更富特色。
張貼
