URA Japanese Delicacy (已結業)

Happy FrIday lunch ! 中午早左去, 未到12點半已到，唔記得book位，眼見只有10幾人位置既地方，幾驚冇位。原來重有另一邊大約有30個位既地方，因為冇book 枱，最後要坐吧枱。一坐低個waitress 就遞上沙律同蒸蛋。Menu 唔算多野簡，7-8款餸，價格由$ 120 - $198 。我叫左個燒牛肉lunch set 。Lunch set包沙律，蒸蛋，主菜同一杯野飲。個沙律個像好清新，唔係一般嘅蛋白醬，有少少柚子汁。而個蒸個蛋就一般。約等5分鐘左右，就上主菜，配菜同湯冇咩特別，但個主菜既肉烤得好好，有小小炭燶味，約八成熟，生熟度真係岩岩好，琳琳地，有肉汁得黎又唔會太硬 。飯上重有個生蛋撈飯。飯下都有沙律菜最後就叫野飲，見到有柚子soda，第一時間就簡左，味道不太甜，其實唔太䁷有柚子味，但勝在入口清甜同有氣。依到既廚應該係日本人，見到侍應同廚師攞wasabi 人係用日文。